اسلام آباد:نگران حکومت کا عوام کیلیے ریلیف ،پٹرولیم مصنوعات کی قیمتوں میں 9روپے ایک پیسے فی لیٹر تک کمی کردی گئی ہے پٹرول دو روپے چار پیسے فی لیٹرجبکہ ہائی اسپیڈ ڈیزل چھ روپےسینتالیس پیسے فی لیٹر سستا کردیا گیا ہے، نوٹیفکیش جاری کردیا گیاہے ۔
نوٹیفکیشن کے مطابق نئی قیمتوں کا اطلاق آ ج جمعرات سے ہوگیاہےجو اگلے پندرہ روز تک لاگو رہیں گی۔
نوٹیفکیشن کے مطابق مٹی کا تیل 6.05روپے جبکہ لائٹ ڈیزل آئل 9.01روپے فی لیٹر سستا کردیا گیا ہے۔
قیمتوں میں کمی کے بعد پٹرول کی قیمت 283.38روپے سے کم کرکے281.34 روپے فی لیٹر ،ہائی اسپیڈ ڈیزل کی قیمت303.18 روپے سے کم کرکے 296.71روپے فی لیٹر ہوگیا ہے ۔
مٹی کے تیل کی قیمت211.03 روپے سے کم کرکے 204.98روپے فی لیٹر جبکہ لائٹ ڈیزل آئل کی قیمت189.46 روپے سے کم کرکے180.45 روپے فی لیٹر کردی گئی ہے۔
