اسلام آباد:احتساب عدالت اسلام آبادنے ایل این جی ریفرنس میں ملزمان کو دوبارہ طلبی کے نوٹس جاری کردیے۔
جج محمد بشیر کی عدالت میں سابق وزیراعظم شاہدخاقان عباسی کے خلاف ایل این جی ریفرنس پر سماعت ہوئی،شاہدخاقان عباسی اپنے وکیل کے ہمراہ احتساب عدالت پیش ہوئے۔
وکیل صفائی ظفر اللہ نے کہاسپریم کورٹ نے بحال ہونے والے کیسز کے حتمی فیصلے سے روکا ہے جس پر جج نے استفسار کیاپھر اس کیس کو کب کے لیے رکھ لیں؟احتساب عدالت نے غیر حاضر ملزمان کو دوبارہ طلبی کے نوٹس جاری کردیے۔
بعدازاں ایل این جی ریفرنس پر سماعت 19 دسمبر تک ملتوی کردی۔
