اسلام آباد: سپریم کورٹ کے چیف جسٹس قاضی فائز عیسیٰ سے انٹرنیشنل اسلامک یونیورسٹی کے پرو چانسلر ڈاکٹر احمد سالم محمد الاامیری نے ملاقات کی۔
چیف جسٹس قاضی فائز عیسیٰ سے ملاقات میں ڈاکٹر احمد سالم محمد الاامیری نے بطور صدر امام محمد بن سعود اسلامک یونیورسٹی ریاض کے تجربہ سے آگاہ کیا۔
چیف جسٹس نے بطور ٹرسٹی ممبر یونیورسٹی کے معیار کو بلند کرنے کا کہا، چیف جسٹس قاضی فائز عیسیٰ انٹرنیشنل اسلامک یونیورسٹی بورڈ آف ٹرسٹی کے ممبر بھی ہیں۔
چیف جسٹس نے یونیورسٹی کے ایسے ملازموں کیخلاف کارروائی پر بھی زور دیا جو ملکی اور یونیورسٹی کے قوانین کی خلاف ورزی کرتے ہیں۔
