لاہور :فضائی آلودگی کے باعث پنجاب حکومت نے 8 اضلاع کے تعلیمی اداروں کو بند رکھنے کا فیصلہ کر لیا۔
تعلیمی ادارے بند رکھنے کا فیصلہ ایئر کوالٹی انڈیکس میں اضافے کے پیشِ نظر کیا گیا ہے۔
فیصلے کا اطلاق لاہور، فیصل آباد، گوجرانوالہ، ملتان، راولپنڈی، ڈی جی خان، سرگودھا اور ساہیوال کے تعلیمی اداروں پر ہو گا۔
اس حوالے سے جاری ہونے والے نوٹیفکیشن کے مطابق 8 اضلاع میں تعلیمی ادارے 13 تا 17 نومبر مکمل بند رہیں گے۔
نوٹیفکیشن کے مطابق سرکاری اور نجی تعلیمی اداروں اور ٹیوشن سینٹرز کو آن لائن سیشن پر منتقل کیا جائے گا۔یہ فیصلہ فضائی آلودگی کے باعث سانس، آنکھوں اور گلے کی بیماریاں بڑھنے پر کیا گیا ہے۔
صوبائی حکومت نے پنجاب انوائرمنٹل پروٹیکشن ایکٹ 1997ء کے تحت نوٹیفکیشن جاری کیا ہے۔
