کوئٹہ:بلوچستان میں پولیوکا ایک اور کیس سامنے آگیا، ملک بھر میں رواں سال پولیو کیسز کی تعداد 43 ہوگئی۔
بلوچستان کے علاقے چاغی سے رواں سال پولیو کا پہلا کیس رپورٹ ہوگیا، قومی ادارہ صحت کی لیبارٹری نے بھی بچے میں ٹائپ ون پولیو وائڈ وائرس کی تصدیق کردی۔
بلوچستان سےپولیو کیسز کی مجموعی تعداد 22 تک پہنچ گئی جبکہ ملک بھر میں رواں سال پولیو کیسز کی تعداد 43 ہوگئی۔
نیشنل پولیو ایمرجنسی ْآپریشن سینٹر کے مطابق بلوچستان کے علاقے چاغی کا بچہ پولیو سے معذور ہوگیا، سندھ میں 12 اور خیبر پختونخوا میں 7 بچے پولیو سے معذور ہوئے۔
اسی طرح پنجاب اور اسلام آباد سے بھی ایک ایک پولیو کیس رپورٹ ہوچکا ہے۔
