راولپنڈی :بانی پی ٹی آئی اور بشریٰ بی بی کیخلاف 190 ملین پاوٴنڈ ریفرنس کی سماعت 26 اگست تک ملتوی، نیب تفتیشی افسر میاں عمر ندیم پر بلا آخر آج نویں سماعت پر جزوی جرح ہی ہوسکی، اگلی سماعت پر جرح مکمل ہونے کا امکان ہے۔
احتساب عدالت کے جج ناصر جاوید رانا نے اڈیالہ جیل میں 190 ملین پاونڈ ریفرنس کی سماعت کی گی، بانی پی ٹی آئی اور بشری بی بی کو عدالت پیش کیا گیا، ملزمان کی جانب سے وکلاء عثمان گل، چوہدری ظہیر عباس و دیگر جبکہ نیب کی طرف سے امجد پرویز، سردار مظفر عباسی لیگل ٹیم کے ہمراہ عدالت پیش ہوئے، وکلاء صفائی نے سماعت کے دوران نیب تفتیشی افیسر میاں عمر ندیم پر جزوی جرح کی، آئندہ سماعت پر ریفرنس کے آخری گواہ پر جرح مکمل ہونے کا مکان ہے۔
ریفرنس کے 34 گواہان پر جرح مکمل کی جاچکی جبکہ 35 ویں گواہ پر جزوی جرح کی گئی، عدالت نے ریفرنس کی مزید سماعت 26 اگست تک ملتوی کردی۔
