اسلام آباد: چیف جسٹس آف پاکستان قاضی فائز عیسیٰ آج غیر ملکی دورے پر روانہ ہوں گے ان کی جگہ جسٹس منیب اختر قائم مقام چیف جسٹس کا عہدہ سنبھالیں گے۔
چیف جسٹس پاکستان قاضی فائز عیسیٰ آج آذربائیجان روانہ ہوں گے جہاں وہ ای سی او ممالک کی چیف جسٹسز کانفرنس میں شرکت کریں گے، جسٹس قاضی فائز عیسیٰ 18 مئی سے 25 مئی تک ملک سے باہر ہوں گے۔
چیف جسٹس قاضی فائز عیسیٰ کے غیر ملکی دورے کے دوران جسٹس منیب اختر قائم مقام چیف جسٹس کی ذمہ داریاں سنبھالیں گے، جسٹس منیب اختر آج بطور قائم مقام چیف جسٹس حلف اٹھائیں گے، حلف برداری کی تقریب سپریم کورٹ ججز بلاک میں صبح ساڑھے 10 بجے ہو گی۔
جسٹس یحییٰ آفریدی جسٹس منیب اختر سے قائم مقام چیف جسٹس پاکستان کا حلف لیں گے، غیر ملکی دورے سے قبل چیف جسٹس قاضی فائز عیسیٰ نے پروٹوکول بھی واپس کر دیا ہے۔
