کراچی: وزیراعظم محمدشہباز شریف آج ایک روزہ دورے پر کابینہ ارکان کے ہمراہ کراچی پہنچ گئے ہیں۔ وزیراعظم نے مزار قائد پر حاضری دی، پھول رکھے اور فاتحہ خوانی کی، انہوں نے مہمانوں کی کتاب میں تاثرات بھی درج کیے۔
کراچی آمد پر گورنر سندھ کامران ٹیسوری اور وزیراعلیٰ مراد علی شاہ نے وزیراعظم شہباز شریف کا استقبال کیا۔
وزیراعظم شہباز شریف کے ہمراہ وفاقی وزر احسن اقبال، محمد اورنگزیب، خالد مقبول صدیقی اور عطاء اللہ تارڑ بھی کراچی پہنچے ہیں۔
بعدازاں وزیراعظم شہباز شریف نے مزار قائد پر حاضری دی، پھول رکھے اور فاتحہ خوانی کی، انہوں نے مہمانوں کی کتاب میں تاثرات بھی درج کیے، اس موقع پر گورنر اور وزیراعلیٰ سندھ بھی وزیراعظم کے ہمراہ تھے۔
یاد رہے کہ وزارت عظمیٰ کی ذمہ داریاں سنبھالنے کے بعد شہبازشریف کا پہلا دورہ کراچی ہے۔
شہباز شریف وزراء کے ہمراہ مزار قائد پر حاضری دیں گے اور دورہ کراچی کے دوران وزیراعظم اتحادی جماعتوں کے نمائندوں سے بھی ملاقات کریں گے جس میں مجموعی سیاسی معاملات، اقتصادی صورتحال اور دیگر امور پر بات چیت ہو گی۔
وزیراعظم کراچی میں مختلف کاروباری و سرمایہ کار تنظیموں کے نمائندوں سے ملاقات کریں گے اور دورہ کے دوران شہباز شریف کو کراچی کی مجموعی صورتحال اور جاری پراجیکٹس پر بریفنگ بھی دی جائے گی۔
