اسلام آباد: وزیراعظم شہباز شریف نے افواج پاکستان کے سربراہان کو ٹیلی فون کیا اور عیدالفطر کی مبارکباد دی۔
وزیرِ اعظم نے چیئرمین جوائنٹ چیفس آف سٹاف کمیٹی جنرل ساحر شمشاد مرزا، آرمی چیف جنرل سید عاصم منیر، پاک فضائیہ کے سربرہ ایئر چیف مارشل ظہیر احمد بابر سدھو اور نیول چیف ایڈمرل نوید اشرف کو ٹیلیفون پر عید کی مبارکباد دی۔
وزیراعظم شہبازشریف نے کہا کہ مجھ سمیت پوری قوم سرحدوں پر اپنے وطن کی حفاظت پر مامور جوانوں کو خراج تحسین پیش کرتی ہے، پوری قوم اپنے شہداء کو خراج عقیدت اور ان کے اہل خانہ کو خراج تحسین پیش کرتی ہے۔
وزیراعظم نے کہا کہ افواج پاکستان کے سربراہان کی پیشہ ورانہ قیادت میں ہمارے جوان وطن کے دشمنوں اور دہشتگردوں کے ناپاک عزائم کو ناکام بنا رہے ہیں۔
