کراچی:عید الفطر پر ساحل سمندر کی رونقیں عروج پر پہنچ گئی۔
عید تو بچوں کی ہوتی ہے اور اس دن کیسے بچوں کی خواہش پوری کئے بغیر کوئی رہ سکتا ہے، اونٹ اور گھڑ سواری کے لئے بچوں نے ساحل کا رخ کر لیا۔
منچلے نوجوان بھی سمندر کی ٹھنڈی موجوں سے موج مستیاں کر کے عید کی خوشیاں دوبالا کرتے رہے۔
ساحل پر سیر و تفریح کیلئے لوگوں کا تانتا بندھا رہا، پابندی کے باوجود منچلے نوجوان ساحل پر موٹر سائیکلیں دوڑاتے اور سمندر کی ٹھنڈی موجوں کے ساتھ موج مستیاں کر کے عید پر لطف اٹھاتے رہے۔
ساحل سمندر کی ٹھنڈی ہواؤں اور دیگر سرگرمیوں سے بچے تو بچے بڑے بھی خوب محظوظ ہوئے اورعید پر سیر و تفریح کر کے خوشی کا اظہار کرتے رہے۔
