اسلام آباد:سپریم کورٹ آف پاکستان نے سابق جج شوکت عزیز صدیقی کی برطرفی کا فیصلہ کالعدم قرار دے دیا۔
سپریم کورٹ کے پانچ رکنی بنچ نے برطرفی کیس پرسماعت کی ، جسٹس قاضی فائز عیسیٰ نے 23 صفحات پر مشتمل فیصلہ تحریر کیا ، سپریم کورٹ نے جسٹس شوکت صدیقی کیخلاف سپریم جوڈیشل کونسل کی سفارش کالعدم قرار دیدی۔
فیصلے میں کہا گیا ہے کہ جسٹس شوکت عزیز صدیقی کو بحال نہیں کیا جا سکتا، فیصلہ میں تاخیر کی وجہ سے جسٹس شوکت عزیز صدیقی کی عمر 62 سال سے زیادہ ہو چکی ہے لہذا جسٹس شوکت صدیقی کو ریٹائرڈ جج تصور کیا جائے۔
فیصلے میں کہا گیا کہ جسٹس شوکت صدیقی ریٹائرڈ جج کی تمام مراعات پنشن کے اہل ہیں۔
خیال رہے کہ سپریم کورٹ پانچ رکنی لارجر بنچ نے 23 جنوری کو شوکت صدیقی کیس فیصلہ محفوظ کیا تھا۔
