اسلام آباد:سینیٹر رضا ربانی نے کہا کہ ایوان صدر آرٹیکل 91 کی مسلسل خلاف ورزی کررہا ہے،صدر کا قومی اسمبلی کا اجلاس طلب نہ کرنا آئین کی کھلم کھلا خلاف ورزی ہے۔
سینیٹ اجلاس میں سینیٹر رضا ربانی نے صدر مملکت پر شدید تنقید کرتے ہوئے کہا کہ اس وقت آئین پاکستان کو دہشتگردی کا سامنا ہے، بدقسمتی سے اس وقت آئین پر جو حملہ ہوا وہ ایوان صدر سے ہو رہا ہے، ایوان صدر نے مختلف اوقات میں آئین کی خلاف ورزی کی ہے۔
رضاربانی نے کہا کہ ایوان صدر آرٹیکل 91 کی کھلم کھلا خلاف ورزی کررہا ہے، آئین کہتا ہے 21 دن میں الیکشن ہونے کے بعد اجلاس طلب کیا جانا لازم ہے۔
