راولپنڈی :راولپنڈی میں ٹارگٹ کلنگ واردات میں قتل ہونے والے پی ٹی آئی کے سابق ایم پی اے چوہدری عدنان کو سپرد خاک کردیا گیا، نماز جنازہ میں سیاسی قائدین سمیت سینکڑوں افراد نے شرکت کی
مقتول چوہدری عدنان کی نماز جنازہ جھنڈا چیچی روڈ جان حویلی کے سامنے ادا کی گئی، نماز جنازہ میں بڑی تعداد میں لوگ شریک ہوئے۔
جھنڈا چیچی روڈ پر تاحد نگاہ صفیں بنائی گی، نماز جنازہ میں سابق امیدوارپیپلزپارٹی حلقہ این اے 57 مختار عباس، سابق ایم این اے شیخ راشد شفیق، زمرد خان، شکیل اعوان، سید عارف شیرازی، ظہیر احمد اعوان، سمیت سیاسی اور سماجی شخصیات، اہل علاقہ اور چوہدری عدنان کے ووٹرز کی بڑی تعداد شریک تھی۔
نماز جنازہ کے دوران پولیس کی جانب سے سیکورٹی کے سخت انتظامات کیے گے، مقتول کو مقامی قبرستان میں سپرد خاک کردیا گیا۔
