اسلام آباد: الیکشن کمیشن کے حکام نے کہا ہے کہ انٹرنیٹ چلے یا بند ہو جائے لیکن الیکشن منیجمنٹ سسٹم چلتا رہے گا۔ پریذائیڈنگ افسر موبائل فون پر ای ایم ایس استعمال کریں گے۔
الیکشن کمیشن حکام نے بریفنگ دیتے ہوئے کہا کہ سکیورٹی اور دیگر وجوہات پر بعض جگہ نتیجے میں تاخیر ہو سکتی ہے مگر ردوبدل نہیں ہو سکتی۔
حکام نے کہا ہے کہ ملک بھر سے آر او کی لائیو لوکیشن کی مانیٹرنگ جاری ہے، پریذائیڈنگ افسر موبائل فون پر ای ایم ایس استعمال کریں گے۔
بریفنگ کے دوران الیکشن کمیشن حکام نے بتایا کہ پریذائیڈنگ افسران فارم 45 بننے کے بعد پولنگ سٹیشن کے باہر چپساں کر کے اسکی تصویر کھینچ کر آر اوز کو بھیجیں گے۔
حکام نے مزید کہا ہے کہ وہ تصویر موبائل کے اندر لاک ہو گی جس پر ٹائم اور لوکیشن ہو گی، انٹرنیٹ نہ ہوا تو پریذائیڈنگ افسران فارم 45 ذاتی حیثیت میں آر او آفس جمع کرائیں گے۔
