اسلام آباد:توشہ خانہ کیس میں سزا یافتہ بانی تحریک انصاف کی اہلیہ بشری بی بی نے اڈیالہ جیل منتقلی کے لیے اسلام آباد ہائیکورٹ سے رجوع کرلیا۔بنی گالہ کو سب جیل قرار دینے کا انتظامیہ کا 31 جنوری کا نوٹیفکیشن کالعدم قرار دینے کی استدعا کی ہے ۔
اسلام آباد ہائی کورٹ میں دائر درخواست میں بشری بی بی نے موقف اختیارکیاہے کہ تمام شہری قانون کی نظر میں برابر ہیں کسی بھی عام قیدی کی طرح سزا اڈیالہ جیل میں کاٹنا چاہتی ہوں۔
بشری بی بی نے درخواست میں مزید کہاہے کہ بنی گالہ سب جیل میں منتقلی مساوی حقوق کے منافی ہے دوسرے سیاسی ورکرز جیلوں میں عام قیدیوں کے ساتھ ہیں۔
بشری بی بی نے درخواست میں مزید کہاہے کہ 31 جنوری کو صبح دس بجے سے لیکر رات نوبجے تک مجھے اڈیالہ جیل میں انتظار کروانے کے بعد سب جیل میں منتقل کیا گیا۔پوچھنے پر مجھے بتایا گیا بنی گالہ رہائش کو سب جیل قرار دے دیا گیا۔
درخواستگزار بشری بی بی نے مزید کہا کہ چیف کمشنر آفس اسلام آباد کا اکتیس جنوری کا نوٹیفکیشن کالعدم قرار دیا جائے۔
1 تبصرہ
اچھی آغاز ہے۔ پہلے ہی دن متاثر کن نیوز شامل کیا گیا