اسلام آباد: طارق بگٹی کو پاکستان ہاکی فیڈریشن کا صدر مقرر کر دیا گیا۔
سابق صدر پاکستان ہاکی فیڈریشن خالد سجاد کھوکھر نے صدر مملکت کو اپنا استعفیٰ بھجوایا تھا جسے صدر عارف علوی نے منظور کر لیا ۔
نگران وزیراعظم نے طارق بگٹی کو پاکستان ہاکی فیڈریشن کا صدر مقرر کر دیا، وزیراعظم کی منظوری کے بعد پاکستان سپورٹس بورڈ نے نوٹیفکیشن جاری کر دیا۔
خیال رہے کہ نگراں وزیراعظم انوار الحق کاکڑ نے گزشتہ برس دسمبر میں طارق حسین بگٹی کی بطور ایڈہاک صدر پی ایچ ایف نامزدگی کا اعلان کیا تھا جبکہ خالد سجاد کھوکھر 8 سال 4 ماہ تک پاکستان ہاکی فیڈریشن کے صدر رہے۔
