اسلام آباد:مری اور گلیات میں شدید برف باری کے باعث پھنسے سیاحوں کو نکالنے کے لیے پاک فوج کا ریسکیو آپریشن جاری ہے۔
مری اورمضافاتی علاقوں میں موسم سرما کی برف باری جاری ہے۔پاکستان آرمی کے دستوں نے امدادی کاروائیوں میں حصہ لیا۔سینکڑوں گاڑیوں اور پھنسے ہوئے سیاحوں کو مری کے مضافاتی علاقوں میں ریسکیو کیا۔
پاکستان آرمی ضروری سامان کے ساتھ سول انتظامیہ کے ہمراہ گزرگاہوں کو کلیئر کر رہے ہیں۔شدید سردی کے باعث مشکلات میں گھرے افراد کو پاکستان آرمی کی جانب سے امدادی سامان بھی پہنچایا گیا۔
متعدد سیاحوں اور خاندانوں کو باحفاظت محفوظ مقامات تک منتقل کر دیا گیا ہے۔
