راولپنڈی:28جنوری کو پاکستانی امن دستے کے قافلے پر سوڈان کے متنازعہ علاقےمیں گھات لگا کر حملہ کیا گیا۔ فائرنگ کے تبادلے میں سپاہی شہید ہو گیا۔
آئی ایس پی آر کے مطابق پاکستانی امن دستہ دو مقامی مریضوں کو ہسپتال لے جا رہا تھا کہ ان پر حملہ کر دیا گیا ۔پاکستانی امن دستوں نے موثر جواب دیا اور عسکریت پسندوں کو پسپائی پر مجبور کر دیا تاہم فائرنگ کے تبادلے میں سپاہی محمد طارق نے جام شہادت نوش کیا۔جب کہ دو اہلکاروں سمیت چار افراد زخمی ہوئے۔
آئی ایس پی آر کا کہنا ہے کہ پاکستان کے امن دستے نے ہمیشہ اپنی پیشہ ورانہ مہارت اور فرض سے لگن کی وجہ سے خود کو ممتاز کیا ہے آج تک 181 پاکستانی امن دستوں نے دنیا بھر میں امن کے لیے اپنی جانوں کا نذرانہ پیش کیا۔
آئی ایس پی آرکاکہناہےکہ پاکستان عالمی برادری کے ایک ذمہ دار رکن کے طور پر اپنے کردار کے لیے پرعزم ہے۔اور اقوام متحدہ کی سرپرستی میں عالمی امن اور استحکام کے لیے اپنا کردار ادا کرتا رہے گا۔
