کراچی:امیر جماعت اسلامی پاکستان سراج الحق کا کہنا ہے کہ غزہ و فلسطین میں بچوں اور خواتین کو بےدریغ شہید کیا جا رہا ہے، جماعت اسلامی نے ایک ارب 40 کروڑ رقم فلسطینیوں کے فنڈ میں جمع کروائی۔
کراچی میں ہونے والے غزہ مارچ سے ٹیلیفونک خطاب کرتے ہوئے سراج الحق نے کہا کہ عظیم الشان و تاریخی غزہ ملین مارچ کے انعقاد پر خراج تحسین پیش کرتا ہوں۔
سراج الحق نے کہا کہ اسرائیل نے امریکا، برطانیہ، یورپ کی سرپرستی میں غزہ کا محاصرہ کیا ہوا ہے۔ 58 اسلامی ممالک کو اہل غزہ، فلسطینی مسلمانوں کے لیے کھڑا ہونا چاہیے تھا۔
امیر جماعت اسلامی نے مزید کہا کہ افسوس عالم اسلام کے حکمرانوں، اقوام متحدہ نے مجرمانہ خاموشی اپنائی ہے۔
سراج الحق نے یہ بھی کہا کہ 8 فروری کو جماعت اسلامی کے انتخابی نشان ترازو پر مہر لگائیں۔
