اسلام آباد: سابق سیکرٹری خارجہ ریاض کھوکھر انتقال کرگئے۔ وہ، چین، بھارت اور امریکا میں پاکستان کے سفیر بھی رہے تھے۔
ریاض کھوکر کے اہلخانہ کے مطابق مرحوم کی نماز جنازہ آج شام 6 بجے اسلام آباد کے ایچ ایٹ قبرستان میں ادا کی جائے گی۔
ریاض کھوکھر طویل عرصے سے بیمار تھے، وہ، چین، بھارت اور امریکا میں پاکستان کے سفیر بھی رہے تھے۔
سابق وفاقی وزیر اور رہنما پیپلز پارٹی شیری رحمان نے ریاض کھوکھر کے انتقال پر ان کے اہلخانہ اور چاہنے والوں سے دلی تعزیت کا اظہار کیا۔
انہوں نے کہا کہ ریاض کھوکھر کے انتقال کا سن کر بہت افسوس ہوا، ریاض کھوکھر ہمیشہ ترقی پسند پاکستان کے مضبوط حامی تھے۔
شیری رحمان نے کہا کہ ریاض کھوکھر نے مشکل حالات میں کئی دیگر سفارتی عہدوں کے علاوہ پاکستان کے سیکرٹری خارجہ کے طور پر بھی خدمات انجام دیں۔ ریاض کھوکھر اپنا فکری سرمایہ تقسیم کرنے کے لیے ہمیشہ تیار رہتے تھے۔
