اسلام آباد: پاکستان میں منکی پاکس سے پہلی ہلاکت رپورٹ ہوئی ہے ۔
حکام کے مطابق جاں بحق ہونے والا 40 سالہ مریض پمز ہسپتال اسلام آباد میں ڈیڑھ ماہ سے زیر علاج تھا ، مریض منکی پاکس اور ایچ آئی وی کے امراض میں مبتلا تھا۔
حکام کا بتانا ہے کہ ایم پاکس اور ایچ آئی وی کے امراض میں مبتلا شخص سعودی عرب سے پاکستان واپس آیا تھا۔
منکی پاکس کے علاج کیلئے عالمی ادارہ صحت نے پاکستان کو تجرباتی دوا بھی فراہم کی تھی۔
ماہرین صحت کاکہناہے کہ ایچ آئی وی سے متاثرہ افراد کو دیگر انفیکشنز اور بیماریاں ہونے کے خطرات کئی گنا بڑھ جاتے ہیں۔
