راولپنڈی :بانی تحریک انصاف کی بہن علیمہ خان نے کہا ہے کہ بانی پی ٹی آئی کو بھی ذوالفقار علی بھٹو کے راستے پر لے جایا جارہا ہے۔بانی پی ٹی آئی کو پھانسی کے پھندے سے بچائیں گے
راولپنڈی اڈیالہ جیل کے باہر میڈیا سے گفتگو کرتے ہوئے علیمہ خان نے کہا ہے کہ ہم سب کو یقین تھا کہ ذوالفقار علی بھٹو کو پھانسی چڑھائیں گے، بانی پی ٹی آئی کے کیس کو کس تیزی سے لے جایا جارہا ہے۔
انہوں نے کہا کہ ہمیں افسوس ہے کہ ہم عالمی عدالتوں میں جارہے ہیں، بانی پی ٹی آئی کو پھانسی کے پھندے سے بچائیں گے، سزائے موت بانی پی ٹی آئی کو نہیں عوام کو ہونے جارہی ہے۔
علیمہ خان نے کہا کہ اس سماعت سے بڑا مذاق نہیں ہوسکتا، میڈیا کا جیل میں ہونا ضروری تھا، ہمیں کہا جارہا تھا کہ یہ کیس انٹرنیشنل کورٹس میں لے کر جائیں۔ سلمان، قاسم اور فیملی برطانیہ میں کیس کریں گے، بانی پی ٹی آئی نے اتفاق کیا ہے کہ برطانیہ میں بھی جائیں۔
انہوں نے کہا کہ ہم قانون کے اندر رہ کر بانی? پی ٹی آئی کے لیے سب کچھ کریں گے، ایک کیس ہم ڈونلڈ لو کے خلاف امریکا میں کرنے جارہے ہیں۔
علیمہ خان کا کہنا تھا کہ جنرل باجوہ نے عوام کی منتخب حکومت کو گرایا۔ جنرل باجوہ، حسین حقانی اور ڈونلڈ لو ملوث ہیں، امریکن اسٹیٹ بتا دے کہ ڈونلڈ لو نے کیا پیغام دیا تھا۔
علیمہ خان کا مزید کہنا تھا کہ ہمارے وکیل ساری عدالتوں میں جارہے ہیں، جو دفعات رانا ثناء اللہ نے لگائی ہیں یہ کیس بن ہی نہیں سکتا، ہم پاکستان میں کیس چلاتے رہیں گے۔
