اسلام آباد:تحریک انصاف کے انٹراپارٹی الیکشن کیلئے پولنگ کل پشاور میں ہوگی۔
کل ہونے والے الیکشن میں مرکزی عہدوں پر ووٹنگ ہوگی
چیئرمین کے علاوہ جنرل سیکرٹری، سینیئر نائب صدر کے عہدوں پر انتخاب ہوگا۔نائب صدور اور جوائنٹ سیکرٹری کے عہدوں پر بھی انتخابات ہونگے۔
پی ٹی آئی انٹراپارٹی الیکشن میں تمام عہدوں پر امیدواروں کے بلامقابلہ منتخب ہونے کا امکان ہے۔
ذرائع کے مطابق مرکزی عہدوں پر ایک سے زائد امیدواروں نے کاغذات نامزدگی جمع نہیں کروائے۔
ذرائع کا کہنا ہے کہ پہلے مرحلے میں صرف مرکزی تنظیم کا انتخاب ہوگا جبکہ صوبائی تنظیموں کا الیکشن دوسرے مرحلے میں کروایا جائے گا۔
